Maribel Vaquero

Maribel Vaquero ezkonduta dago eta bi alabaren ama da. Zuzenbidea eta Herri Erakundeen gradua ikasi zituen. Gipuzkoako Batzar nagusietako batzarkide eta Euzko Abertzaleak-Nacionalistas Vascos taldeko legebiltzarkide izan da. Indarrean dagoen legegintzaldira arte, Urnietako zinegotzi eta Bizikidetza eta Giza Eskubideetako Zuzendaria izan da Gipuzkoako Foru Aldundian. “Herri aske eta indartsua izango bagara, ezinbesteko ditugu balore demokratikoak eta konpromisoa”, adierazi du.

Maribelek biziki gogoko du familiarekin paseoan irtetea, hondartzetik ibiltzea eta kresal usaina sentitzea. Oso gogoko du lagun artean bazkaltzera joatea eta “ondorengo bazkalosteetako abestiak” ere bai. Vaquerok oso gustuko du dantza ere. Izan ere, azken aldian ikusteko aukera izan du “Biz Hitza” ikuskizuna, Aukeran taldeak euskara batuaren sorreran oinarrituta egin duena.